حبّي باقي ما حييت

القصايد في حضوره تستحي و لا صار غايب،،

اتهيض بي المشاعر لين تمطر في سماه..

يبرق الشوق بضلوعي ويبدى يرعد بالطلايب،،

وابدى اكتب له كلامٍ رغمني كلّي معاه..

أشهد اني مغرمٍ بك وإشهد اني فيك ذايب،،

وإشهد اني لك حبيبي وأشهد ان مالي غناة..

كل حرفٍ له كتبته أقصده والقلب طايب،،

هو علاج الروح والله هو سنا كوني وضياه..

بلّغوه ان حبّي باقي حتّى لو اصبحتِ شايب،،

ساكنٍ  في وسطِ قلبي ينبضِ بْصدري حياه..

من كثر عشقي بْحبيبي ما اظن زينا حبايب،،

من طلب اثباتِ منّي يكفي من حّبي صداه..

اكتب ابياتي واغني لين يوم ارجع له ايب،،

قربت لحظة رجوعي يا هنيّالي بلقاه..